7 oct 2017

Фарҳанги тоҷиконро ба бонувони Қирғизистон омӯзониданд

Айдин Абдикаллак:

-Дар деҳаи Оқсой мо сехи дӯзандагӣ надорем. Хурсандам, ки ҳамсолонам аз Тоҷикистон моро ба чунин маҳфил даъват карданд.

Дар ҷамоати Ворухи шаҳри Исфара мастер-класс оид ба зардӯзӣ баргузор гардид. Дар он натанҳо ҷавондухтарони ҷамоат, инчунин ҳамсолони онҳо аз деҳаи Оқсойи Қирғизистон иштирок карданд.

-Имрӯз дар баробари атласу адрас ва гулдӯзӣ, зардӯзӣ низ дар мӯд аст,-мегӯяд Таҳзира Тешаева, аъзои гурӯҳи тамосии ҷамоат.-Аз ин сабаб, ҳангоми қабули нақша-чорабинии муштарак баргузории омӯзишро оид ба зардӯзӣ пешниҳод намудем. Ба ҳамин восита, дар баробари эҳёи ҳунарҳои миллӣ, мустаҳкам намудани дӯстӣ ва ҳамкорӣ бо ҷавонони Қирғизистон, мо мехоҳем онҳоро бо фарҳанги тоҷикон шинос намоем.     

Ҳангоми сӯҳбат бо аксари иштирокчиёни мастер-класс маълум гардид, ки онҳо дар оянда мехоҳанд малака ва маҳорати андӯхтаашонро ба дигарон низ омӯзонанд. Аз ҷумла, Айдин мехоҳад дар оянда бо дастгирии омӯзгоронаш маҳфили дӯзандагиро барои духтарони деҳаи Оқсой ташкил намояд. Таҳзира бошад, гуфт, ки дар сехи атлас ва адрасбофӣ ба ғайр аз гулдӯзӣ, зардӯзӣ ва мӯҳрабофиро низ ба роҳ хоҳанд монд.

Хушҳолкунанда он буд, ки ҷавондухтарони Тоҷикистон ва Қирғизистон мақсади асосии иштирок дар чорабинии муштаракро пеш аз ҳама, дар дӯстӣ ва ҳамкорӣ иброз доштанд.

Мавҷуда Саидалиева, зани моҳир аз ҷамоати Лаккон буда, солҳост ба дӯхтани зардӯзӣ машғул аст ва имрӯз ӯ бонувони ҳамсоякишварро ба ин ҳунар меомӯзонад, мегӯяд: 

-Агар шавқу ҳавас бошад, дар як рӯз ҳам. аз худ мекунанд, зеро аз таҷрибаи худ медонам. Аз ин ҳунар даромади хуб ба даст овардан мумкин аст.

Мастер-класс оид ба зардӯзӣ аз ҷониби Ассотсиатсияи зиёиёни илмӣ-техникии Тоҷикистон дар доираи лоиҳаи "Тақвияти ҳамкории ҷавонон дар ноҳияиҳои наздисарҳадии Тоҷикистону Қирғизистон" бо дастгирии Барномаи Рушди СММ Тоҷикистон баргузор шуд.

Дар анҷоми чорабинӣ, иштирокчиёни он дархост карданд, ки минбаъд онҳоро бештар ба чорабиниҳои ҳунаромӯзӣ даъват намоянд.

Other news

24 aug 2021

Семейные правоотношения

В городе Худжанд была проведена информационная встреча для жителей махалли 1-Май и 13 микрорайона. Темой встречи была выбрана «Семейные правоотношения».

2 feb 2022

On February 1, 2022 PO ASTI carried out the informational session

On February 1, 2022 PO ASTI carried out the informational session with attendance of the policemen in B. Gafurov district, Soghd oblast within the framework of the project “To build the capacity and increase the gender sensitivity of Judges, Police Officers and state legal aid lawyers for more effective investigation, prosecution and adjudication of SGBV related cases".

Regions of Activity