29 ноя 2010
Имконияти маълумоти касбии калонсолон дар паст кардани сатҳи камбизоатӣ
26 ноябри соли 2010 дар доираи лоиҳаи «Паст кардани сатҳи камбизоатӣ дар Тоҷикистон тавассути маориф ва таълими ғайрирасмӣ» дар маҷлисгоҳи Гранд ҳотали «Азия»-и ш. Душанбе конфоронси ҷумҳуриявӣ дар мавзӯи «Имкониятҳои маълумоти касбии калонсолон дар паст кардани сатҳи камбизоатӣ» шуда гузашт.
Конфаронсро Институт оид ба Ҳамкории Байналхалқии Ассотсиатсияи Маорифи Калонсолони Олмон (dvv-international) ва ташкилоти ҷамъиятии «Ассотсиатсияи зиёиёни илмию техникии Тоҷикистон» гузаронданд.
Дар конфаронс намояндагони ташкилотҳои байналхалқӣ, вазоратҳою идораҳои Ҷумҳурии Тоҷикистон, тарафҳои манфиатдори лоиҳа иштирок карданд.
Дар рафти конфаронс натиҷаҳои лоиҳа ба ашхоси манфиатдори калидӣ ва ҷомеаҳо, донорҳо ва ВАО пешниҳод гардиданд. Намояндагони ОКТ-и пилотӣ, ҷамоатҳою корфармоён дар бораи таҷриба, мушкилиҳо, сабақҳои аз лоиҳа бардоштаашон мавод омода сохтанд. Натиҷаҳои озмуни «Идеяи беҳтарини ман барои бизнес» ҷамъбаст гардид.
Ҳамчунин байни иштироккунандагони конфаронс дастури амалҳои методии дар доираи лоиҳа таҳия гардида тақсим карда шуданд:
- Назария ва амалияи маорифи калонсолон ва идоракунии муассисаҳои маорифии маълумоти ибтидоии касбӣ;
- Вижагиҳои шаклҳои ташкилии таълим дар муассисаҳои маълумоти ибтидоии касбӣ ва истифодаи усулҳои интерактивӣ
Барои истифодаи самарабахши вақт иштирокунандагони конфронс ба ҷаласаҳои секторӣ дар сексияҳои зерин тақсим гардиданд:
- Баланд бардоштани самарабахшию дастрасии системаи миллии маорифи касбӣ ва бозтайёрӣ
- Худмуайянкунии касбии бекор чун усули баланд бардоштани рақобатпазирии ӯ дар бозори меҳнат;
- Имкониятҳои рушди маорифи калонсолон дар доираи маълумоти ибтидоии касбӣ дар Тоҷикистон.
Мавод оид ба истифодаи таҷрибаи лоиҳа дар дигар минтақаҳои мамлакат ба Вазорати маориф супурда мешавад.
Конфаронс ба забонҳои тоҷикию русӣ гузаронида шуд.
