Озмун оиди донистани қоидаҳои ҳаракати роҳ байни талабагони мактабҳо

Санаи 16 октябри соли 2014 дар мактаби №56-и ҷ. Сурхи ноҳияи Исфара озмун оиди донистани қоидаҳои ҳаракати роҳ байни талабагони мактабҳои 26, 29 ва 56-и ҷ. Сурх баргузор гардид. Мақсади асосии гузаронидани чорабинии мазкур ин ҷалб намудани ҷамъият барои ҳалли масъалаҳои бехатарии ҳаракати мактаббаччаҳо дар кӯчаҳо, инчунин омӯзонидан ва хабардор кардани талабаҳо бо қоидаҳои ҳаракати роҳ. Озмун хеле шавқовар ва хотирмон гузашт. Иштирокчиён барномаҳои шавқовар тайёр намуданд ва дар бораи қоидаи ҳаракати роҳ шеърҳо қироат карданд. Доир ба Қоидаҳои Ҳаракати Роҳ саволу ҷавоб баргузор гардид ва дар мавзӯи бехатарии ҳаракати роҳ озмуни газетаҳои деворӣ ташкил карда гузашт. Озмун аз тарафи кормандони Шӯъбаи БДА ШВКД-2 ш.Исфара баҳогузорӣ карда шуд. Мувофиқи ҷамъбасти ин чорабинӣ ғолибон ва иштирокчиёни фаъол бо ифтихорномаҳо ва тӯҳфаҳо мукофотонида шуданд. Чорабинӣ аз тарафи кормандони ТВ Исфара ба навор гирифта шуда, дар барномаи хабар нишон дода шуд.