27 дек 2022

Ба кӯдакон бояд он чиро омӯзонд, ки вақти камолёбӣ ба онҳо муфид бошад

"Ба кӯдакон бояд он чиро омӯзонд, ки вақти камолёбӣ ба онҳо муфид бошад", Аристипп. Дар зери ҳамин шиор дар шаҳри Хуҷанд аз 22 то 25 ноябр омӯзиш ТоТ барои омӯзгорони Марказҳои таҳсилоти иловагӣ ва менторони Озмоишгоҳҳои инноватсионии вилояти Суғд баргузор гардид.
Дар рафти омӯзиш иштирокчиён дониши худро такмил дода, малакаҳои хешро мустаҳкам намуданд, то онҳо тавонанд малакаҳои умумӣ, аз ҷумла ҳалли мушкилот, тафаккури интиқодӣ, эҷодкорӣ, муоширати муассир ва малакаҳои роҳбариро инкишоф диҳанд; кушодани иқтидор тавассути ташаккули худбоварӣ, устуворӣ ва ҳисси худшиносӣ дар наврасону ҷавонон; соҳибкориро ҳамчун маҷмӯи маҳорат ва тарзи тафаккур инкишоф диҳанд.
UPSHIFT (ПЕШСАФ) ин методологияи тарҳрезии иҷтимоӣ мебошад. Он барои муайян кардан, омӯхтан ва фаҳмидани мушкилот дар ҷомеаи худ ва сипас эҷод кардани ҳалли муассири лоиҳа дар шакли маҳсулот ё хидматҳо таълим медиҳад. Таърихи UPSHIFT соли 2014 дар Косово оғоз шуда, ҳоло ин барнома дар 22 кишвари ҷаҳон амал мекунад.
Чорабинӣ аз ҷониби ТҶ «АЗИТ» дар доираи лоиҳаи «Малакаҳо барои оянда ва гузариш ба ҳаёти корӣ», бо дастгирии Хазинаи кӯдакони СММ дар Тоҷикистон ва Иттиҳоди Аврупо баргузор гардид.
#UPSHIFT #UNICEFTajikistan #EU#POAsti #innovationlab