28 июл 2011
Асосҳои исломи анъанавӣ
Дар чаҳрчўбаи лоиҳаи «Вуруди сиёсати ҷавонон дар мубориза бар зидди радикализм», ки аз тарафи Комиссияи Аврупо дар чаҳорчўбаи барномаи «Воситаи Аврупоӣ оид ба демократия ва ҳуқуқҳои инсон» маблағгузорӣ карда шудааст, барои гурўҳҳои мақсаднок як қатор семинарҳо дар мавзўи «Асосҳои исломи анъанавӣ» гузаронида шуданд. Ин семинарҳо барои шаш гурўҳҳои ҷавонон дар шаш ҷамоатҳои мақсадноки ноҳияҳои Ашт ва Б. Ғафуров гузаронида шуданд.
Мақсад ва вазифаҳои семинар: инкишоф додани дониши ҷавонон дар бораи дин ва таҳаммулпазирӣ, инчунин фаҳмонидани моҳияти дини ислом чун дини ҷаҳонӣ.
Ҳангоми оғозшавии семинарҳо кормандони лоиҳа иштирокчиёни семинарро хайрамақдам гуфта, дар бораи мақсад ва вазифаҳои семинар маълумоти мухтасар доданд. Сипас, сухан ба тренери семинар Каримов Махкамбой дода шуд. Каримов М. тренери барномаи инсоншиносии Оғохон дар маркази таълими Иноватсионии Донишгоҳи Осиёи Миёна дар назди ДДХ мебошад.
Ба муддати як рўз тренер сессияҳоро дар мавзўъҳои зерин гузаронид:
Сессияи 1. Мақсад ва моҳияти пайдоиши дин
Сессияи 2. Шиносоӣ бо таърихи пайдоиши ислом
Сессияи 3. Шарҳи моҳияти исломи анъанавӣ
Сессияи 4. Муҳокимаи масъалаҳо оиди «Зан ва исломи анъанавӣ»
Сессияи 5. Равия ва мазҳабҳо дар ислом
Сессияи 6. Ислом ва дунёи имрўза
Баъд аз ҳар як лексия доир ба сессияҳои гузашта бо мақсади мустаҳкам намудани дониши гирифташуда муҳокимаҳо гузаронида шуданд. Ба иштирокчиёни семинар оид ба ҳар як сессия маводҳои тақсимотӣ таҳия шуда, пешниҳод гардиданд.
Семинарҳо маърифатӣ ва хеле шавқовар буданд.
