5 окт 2010
Усулҳои интерактивии таълим
Бо мақсади ҷамъбаст ва системакунонии таҷрибаи истифодаи усулҳои интерактивии таълим дар доираи лоиҳаи «Паст кардани сатҳи камбизоатӣ дар Тоҷикистон ба воситаи омўзиш ва таҳсилоти касбӣ», дар қаҳвахонаи “Гулшан”-и шаҳри Хуҷанд аз 29 сентябр то 1 октябри соли ҷорӣ семинар доир ба мавзўи “Усулҳои интерактивии таълим” баргузор гардид.
Иштирокчиёни семинар омўзгорони муассиссаҳои мақсадноки ТИК-и вилояти Суғд буданд. Дар давоми се рўз иштирокчиёни семинар бо усулҳои интерактивии таълим шинос гардиданд. Бозиҳои нақшавӣ ба иштирокчиён имкон дод, ки усулҳои муосири таълимии зеринро дар амал нишон диҳанд:
- кор дар гурўҳҳои хурд
- бозиҳои нақшавӣ
- ҳуҷуми ақлӣ
- муҳокима ва дигарҳо
Лаҳзаи аз ҳама ҷолиби семинар дар он буд, ки ба омўзгорон супориш дода шуд, ки дар амал усулҳои нави таълимро дар дарсҳои фаннии худ истифода намуда, онҳоро ба намуди презентасия ба таваҷҷўҳи ҳозирин пешкаш намоянд.
Хотиррасон менамоем, ки чунин семинар барои омўзгорони муассиссаҳои мақсадноки ТИК-ии вилояти Хатлон низ баргузор гардид.
