13 янв 2020
Марҳилаи нави Барномаи омӯзишии «ПЕШСАФ»
Марҳилаи нави Барномаи омӯзишии «ПЕШСАФ» байни наврасону ҷавонони аз 14 то 18 сола зери мавзӯи «Инкишофи донишу малакаҳои замонавии наврасон ва ҷавонон», ки дар давоми 4 рӯз дар Озмоишгоҳҳои инноватсионии ноҳияҳои мақсадноки лоиҳа: Бобоҷон Ғафуров, Ҷаббор Расулов ва Деваштич баргузор гардид. Мақсад аз баргузории чорабинии мазкур ин пешниҳод намудани кӯмак ба наврасону ҷавонон дар ҳалли муаммоҳое, ки дар ҷомеаи онҳо мавҷуд ҳастанд. Дар рафти омӯзиши 4 рӯза иштирокчиён муаммоҳои ҷомеаи худро муайян намуда, барои ҳалли он роҳҳо ҷустанд. Рӯзи охирони омӯзиш гурӯҳҳо лоиҳаҳои худро бо ёрии презентатсия ва ихтироъҳо ба ҳакамон муаррифӣ намуданд ва соҳиби сертификат шуданд.
Чорабинии мазкур дар доираи барномаи «ПЕШСАФ» аз тарафи ТҶ «АЗИТ» бо дастгирии Хазинаи кӯдакони СММ Тоҷикистон баргузор гардид.
