26 апр 2017
Намояндагони сафорати ИМА дар ҶТ бофаъолияти Гурӯҳи ҳамкории милитсия боҷомеа шинос шуданд
Дар чаҳорчўбаи лоиҳаи «Ҳамкории милитсия бо ҷомеа», ки ТҶ АЗИТ дар ҳамкорӣ бо ташкилоти байналхалқии Saferworld ва дастгирии молиявии Шӯъбаи назорати маводи мухаддир ва ҳифзи тартибот (INL) дар назди Департаменти давлатии ИМА амалӣ намуда истодааст, 25 апрели сафари кории намояндагони Сафорати ИМА дар ҶТ ба вилояти Суғд сурат гирифт.
Мақсади асосии сафар ин шиносоӣ бо фаъолияти гурӯҳи ҳамкории милитсия бо аҳолии ш. Гулистон ва ҷамоати Чоркӯҳи ш. Исфара буд. Бино ба натиҷаҳои мулоқот меҳмонон фаъолияти гурӯҳҳоро мусбӣ арзёбӣ намуданд. Ҳамчунин пешниҳод шуд, ки ба нақшаи сафари кории сафири Фавқулода ва Мухтори ИМА дар Ҷумҳурии Тоҷикистон ҳангоми сафар ба вилояти Суғд мулоқот бо Гурӯҳи ҳамкории милитсия бо ҷомеаи ш. Гулистон ворид карда шавад.
