10 окт 2022
Курсҳои се моҳаи "Қаннодӣ"
Дар ҷамоати Ҳайдар Усмонови ноҳияи Бобоҷон Ғафуров курси се моҳаи ройгони "Қаннодӣ " ба итмом расид. Дар давоми се моҳ иштирокчиёни курси мазкур малакаҳои худро тавассути омода намудани хуришҳо, хӯрокҳо ва маҳсулотҳои қаннодии гуногун сайқал доданд. Ҳадаф аз ташкил ва гузаронидани ин курси ройгон васеъ намудани ҳуқуқ ва имкониятҳои занон мебошад.
Дар анҷоми курс иштирокчиён соҳиби шаҳодатнома гардиданд. Бояд қайд намуд, ки 7 нафар занон ва духтарон пас аз хатми курси "Қаннодӣ" бо соҳибкории хурд машғул гардиданд ва сатҳи иҷтисодии зиндагии хешро баланд намуданд.
Чорабинии мазкур аз ҷониби ТҶ "АЗИТ" бо дастгирии Дафтари Барномаҳои САҲА дар Душанбе баргузор мешавад.
#postastiandosce
