13 янв 2016
Вохӯрй намояндагони мақомоти маҳаллии ноҳияи Исфара бо ҷавонони ҷамоати Хонобод ва Нефтобод
.JPG)
Мувофиқи нақшаи кории моҳи январ, 13 январи соли 2016, дар чаҳорчӯбаи лоиҳаи «Сулҳ аз мо оғоз меёбад, ки аз тарафи фонди UNICEF маблағгузорӣ карда шуда истодааст, вохӯрии намояндагони ҳокимияти маҳаллӣ бо ҷавонон дар ноҳияи Исфара гузаронида шуд. Вохурӣ дар маҷлисгоҳи ҷамоати Хонобод барпо гардид. Дар ин вохӯрӣ номояндагони шӯъбаҳои гуногуни мақомоти иҷроияи ҳокимияти давлатии ноҳияи Исфара, раисони ҷамоатҳои Хонобод ва Нефтобод ва 40 нафар ҷавонон аз гурӯҳи мақсадноки лоиҳа иштирок доштанд. Мақсади вохӯрӣ ин беҳтар намудани робитаи байни ҷавонон ва намояндагони ҳокимияти маҳаллӣ мебошад, то ки чавонон ба саволҳои худ ҷавобҳои саҳеҳ гиранд ва пешниҳодҳою дархостҳои худро ба намояндагон арз намоянд ва роҳи ҳалли онро дарк намоянд.
.JPG)
.JPG)
.JPG)
Ҳабарҳои дигар
16 июн 2020
Кормандони Маркази Захиравии Занони ТЧ "АЗИТ" низ дар пешгирии паҳншавии бемории сироятии "COVID-19" саҳми хешро гузоштанд. Бо аҳолӣ дар минтакаи мақсадноки лоиха- Б. Ғафуров, яъне дар ҷамоатҳои Шаҳрак ва Ҳайдар Усмон корҳои фаҳмондадиҳӣ гузаронида шуданд. Ҳамроҳи раисони кумитаҳои маҳалла онҳо ба хонахои ахолии максаднок рафтанд ва сӯҳбати профилактикӣ гузарониданд, ки дар ҷараёни он ниқобҳои муҳофизатӣ ва антисептикхо интиқол дода шуданд. Инчунин ба хар яке аз онхо буклетҳои иттилоотӣ дар бораи усулҳои муҳофизат аз коронавирус дода шуд. Дар маҷмӯъ, бо 100 оила сӯҳбатҳо гузаронида шуданд, ки ба онҳо 500 ниқоб ва 250 дона антисептик дода шуд.
Чорабинии мазкур аз тарафи ТҶ «АЗИТ» дар доираи лоиҳаи «Маркази захиравии занон» бо дастгирии Дафтари Барномаҳои САҲА дар Душанбе амалӣ гардид.
5 авг 2017
Анҷоми лагер боиси оғози таҳкими ҳамкориҳои муштараки ҷавонони ду деҳаҳои наздисарҳадии ҳамсоякишвар гардид, зеро дар поёни он иштирокчиён кӯшиданд, баҳри ташкили майдон барои муоширати дӯстона ва таҳияи як қатор чорабиниҳои муштарак саҳми худро гузоранд. Аз ҷумла, дар шаш гурӯҳҳо нақша-чорабиниҳои худро омода намуданд, ки аз он се ададаш дар деҳаи Сомониён аз ҷониби гурӯҳи сокинони ҷавони ташаббускор ва сеи дигараш дар Кок-Тош аз тарафи ҳамсолони онҳо доир мешаванд.
