19 фев 2019

Асосҳои муошират, равоншиносӣ ва одоби оиладорӣ

«Асосҳои муошират, равоншиносӣ ва одоби оиладорӣ» чунин буд мавзӯи семинари навбатӣ дар шаҳри Исфара. Санаи 19 феврали соли ҷорӣ дар маркази шаҳри Исфара омӯзиш баргузор гардид. Дар чорабинии мазкур иштирокчиён-занҳо аз ҷамоатҳои мақсадноки лоиҳа: Сурх, Ворух ва Чорку даъват гардиданд. Дар семинар мафҳуми муошират, намудҳои муошират, одоби муоишират муҳокима карда шуданд. Ҳамроҳи иштирокчиён тариқи кор дар гурӯҳ арзищҳои оилавӣ, одоби оиладорӣ ва оила аз нигоҳи равонӣ дида баромада шуд. Инчунин, иштирокчиён дар гурӯҳҳо саҳнаҳо аз ҳаёти ҷамоатҳои худ оиди муносибат ва муоишират дар оила пешкаш намуданд. Гузаронидани чунин омӯзишҳо барои бошандагони ҷамоатҳо фоидаовар буда, иштирокчиён, махсусан занҳо сохиби донишу малакаҳои иловагӣ мегарданд.

Чорабинии мазкур аз тарафи ТҶ «АЗИТ» дар доираи лоиҳаи «Оила бе зӯроварӣ» бо дастгирии Сафоратхонаи ИМА, амалӣ мегардад.