21 апр 2021
Тренинги омӯзишӣ дар Исфара барои ҷавонон
Санаи 14-уми апрели соли 2021 дар доираи лоиҳаи "Омӯзиш ва иштироки фаъолона дар ҳаёти ҷомеаҳо- роҳ ба сӯи сулҳофарӣ ва субот" тренинги омӯзишӣ дар мавзӯи «Тарзи дурусти аксбардорӣ/наворбардорӣ дар телефонҳои мобилӣ ва омода намудани видеороликҳо оид ба масъалаҳои иҷтимоӣ» дар Исфара барои ҷавонон баргузор гардид. Дар ин омӯзиш ҷавонон -"интихоби мавзӯъҳо", "чӣ тавр дар навор матн навишт" ва "чӣ гуна бояд наворбардорӣ ва танзим кард"-ро омӯхтанд.
Дар ин чорабинӣ ҷавонон чунин мавзӯъҳоро пешниҳод карданд; экология, маконҳои таърихӣ ва ҳунармандӣ.
Чорабинии мазкур аз ҷониби ТҶ "АЗИТ" бо дастгирии Сафоратхонаи ИМА дар Тоҷикистон баргузор гардид.
#usembassyandpoasti
