15 апр 2011
Ҳуқуқҳои дунявӣ ва динии инсон
Дар чаҳорчўбаи лоиҳаи «Вуруди сиёсати ҷавонон дар мубориза бар зидди радикализм(MYPAR)», ки аз тарафи Иттиҳоди Аврупо маблағгузорӣ карда мешавад, марҳилаи аввали семинарҳо дар мавзўъи «Ҳуқуқҳои инсон бо назардошти динӣ» гузаронида шуда истодааст. Ин семинарҳо барои гурўҳҳои ҷавонони аз 6 ҷамоатҳои мақсадноки ноҳияҳои Ашт ва Б. Ғафуров, ки дар фаъолияти чаҳорчўбаи лоиҳа ташкил шудаанд, гузаронида мешаванд.
Гурўҳҳои мақсаднок аз ҷавонони синнашон аз 15 то 25 сола аз оилаҳои динӣ ва дунявии ноҳияҳои Ашт ва Б. Ғафуров иборатанд.
Мақсади семинарҳо: Ҷавонон ва талабагони мактабҳои ҷамоатҳои мақсаднокро бо:
- ҳуҷҷатҳои байналхалқии ҳимояи ҳуқуқи инсон,
- қонунҳо оиди дин ва иттиҳодияи динӣ,
- қонунҳо оиди озодии виҷдон ва мазҳаб шинос намудан.
Вазифаи семинарҳо:
- пешниҳодоти иттилоот дар бораи дикларатсияи Умумии ҳуқуқҳои инсон,
- дар бораи аҳдномаҳои байналмиллалӣ
- дар бораи ҳуҷҷатҳои ба тартиб дарории муносибати шаҳрвандон ба дин дар ҶТ.
Дар авали семинар коориднатори лоиҳа Тюраев Ҷ. ҳамаи иштирокчиёни семинарро пазироӣ намуда, дар бораи лоиҳа муфассал нақл намуд. Ў баъдан тренер Дадобоев М.М., ки таҷрибаи бисёрсола дар гузаронидани чунин семинарҳоро дорад, шинос намуд.
Дар давоми як рўз тренер иштирокчиёнро бо:
- ҳуқуқҳои инсон ва категорияҳои он,
- маҷмўаи актҳои меъёрӣ-ҳуқуқӣ,
- муносибат бо ҳуқуқ,
- сохтори иттиҳодияи динӣ
- озодии виҷдон ва мазҳаб,
- дар бораи нақши иттиҳодияи динӣ дар давлати демократӣ, инчунин бо Қарори Суди Олӣ аз 30 марти соли 2006 қарор оиди ҳисобидани фаъолияти баъзе ташкилотҳо ва иттиҳодияҳо дар ҳудуди Тоҷикистон манъ аст, шинос намуд.
Қайд кардан лозим, ки ба иштирокчиён мавзўъи зерин хеле писанд омад ва онҳо хеле фаъол буданд ва мегуфтанд, ки дар мактаб чунин мавзўъҳо нестанд. Инчуниништирокчиёни тренингҳо дар корҳои гурўҳҳои хурд, лексияҳои хурд фаъолона иштирок намуданд
Дар аввали ҳар як семинар саволу ҷавоб оиди санҷиши дараҷаи аввалин оиди ҳуқуқ, қонун, дин, плюрализми динӣ гузаронида мешуданд. Аз анкетаҳо маълум гашт, ки иштирокчиёни семинарҳо камтар дар бораи ҳуқуқҳои худ ва бештар дар бораи дин, китобҳои муқаддас ва иттиҳодияҳои динӣ медонанд.
Умуман семинарҳо хеле шавқовар ва бомаърифат гузаштанд.
Чунин семинарҳо дар ҳаргуна мавзўъҳо дар 6 ҷамоатҳои мақсадноки ноҳияҳои Ашт ва Б.Ғафуров ба мўҳлати 6 моҳ мегузаранд.
