31 окт 2022

Таҳсилоти фарогир чист?

“Таҳсилоти фарогир чист? Оё кӯдакони маъюбиятдошт ба таҳсилот дастрасӣ доранд? Оё барномаи таълимиро мо метавонем ба эҳтиёҷи кӯдакони маъюбиятдошта мутобиқ гардонем?” – посух ба ин саволҳоро омӯзгорони 12 синфхонаҳои захиравии вилояти Суғд дар рафти омӯзиш оид ба “Таҳсилоти фарогир. Мутобиқ кардани барномаи таълимӣ барои кӯдакони маъюбиятдошта” , ки аз санаҳои 26 то 28 октябри 2022 сол дар шаҳри Хуҷанд баргузор гардид, гирифтанд.
Ҳадафи асосии баргузории омӯзиш ин шинос намудани иштирокчиён бо мафҳуми таҳсилоти фарогир, саҳмгузории омӯзгорон дар пешбарии таҳсилоти фарогир, мутобиқ кардани барномаи таълимӣ бо назардошти эҳтиёҷи кӯдакони маъюбиятдошта мебошад.
Синфхонаҳои захиравӣ барои дастгирӣ намудани кӯдакони эҳтиёҷдошта дар рафти таълим аз ҷониби Вазорати маориф ва илми Ҷумҳурии Тоҷикистон дар назди 49 МТМУ Тоҷикистон таъсис дода шудаанд. Аз он 12 синфхонаҳои захиравӣ дар вилояти Суғд таъсис шудаанд.
Дар давоми се рӯз иштирокчиён тариқи усулҳои интерактивии кор дар гурӯҳҳои хурд, муаррифӣ,бозиҳои накшбозӣ, лексия аз наздикӣ бо мавзӯи омӯзиш шинос шуданд.
Аксарияти иштирокчиён қайд намуданд, ки оиди таҳсилоти фарогир, консепсияи таҳсилоти фарогир, чӣ тавр мутобиқ кардани барномаи таълимӣ бо назардошти эҳтиёҷи кӯдакони маъюбиятдошта каму беш маълумот доштанд, аммо дар рафти омӯзиш пурра шинос шуданд.
Омӯзиши мазкур аз ҷониби ташкилоти ҷамъиятии “Ассотсиатсияи зиёиёни илмӣ-техникии Тоҷикистон” дар ҳамкорӣ бо Раёсати маориф ва илми вилояти Суғд дар доираи фаъолияти эътилофи миллӣ оид ба таҳсилот “Ассотсиатсияи созмонҳои ҷомеаи шаҳрвандӣ дар Тоҷикистон барои таҳсилот” ва лоиҳаи “Пешбарии таҳсилоти босифат ва фарогир барои ҳама дар тӯли ҳаёт” бо дастгирии молиявии барномаи “EducationOutLoud” баргузор гардид.
 

Ҳабарҳои дигар

28 ноя 2018

Тренинг барои занони пешсафи шимоли Тоҷикистон ва Қирғизистон

ТҶ “Ассостсатсияи зиёиёни илмӣ – техникии Тоҷикистон” барои дастгирии маъракаи байналмилалии “16 рӯзи байналмилалии мубориза бар зидди зӯроварӣ нисбати занон ва духтарон #Хомӯш набош: Ба зӯроварӣ нисбати занон хотима деҳ” дар доираи лоиҳаи “Ҳамкории байналмилалӣ барои сулҳ ва бехатарии устувор”, бо маблағгузории СММ Занон Қирғизистон аз 28 то 30 ноябри 2018 сол дар осоишгоҳи Баҳористони шаҳри гулистон барои занони пешсафи шимоли Тоҷикистон ва Қирғизистон тренинг барпо кард.

29 сен 2015

Межсекторальная встреча

В рамках проекта «Мир начинается с нас», реализуемого ОО АНТИ при поддержке UNICEF, 29-го сентября в конференц-зале кафе «Хушбахти» г.Худжанда была проведена межсекторальная встреча с участием представителей Исполнительного органа государственной власти Согдийской области, Управления по делам молодежи, спорта и туризма Согдийской области, Хукуматов Бободжан-Гафуровского района и г.Исфары, Отдела по делам несовершеннолетних УМВД Согдийской области и отделений по делам несовершеннолетних РОМВД Б.Гафуровского района и г.Исфары, местных СМИ, а также членов Консультативного совета общественных организаций при Хукумате Согдийской области

Минтақаҳои фаъолият